美容院之旅

記得幾年之前去過美容院一次後就冇去過.

前日, 去咗一間大型連鎖護膚品牌既美容院做眼部療程, 佢標謗部機器可以一分鐘內震動幾千次, 啫係一秒百幾次, 有助速進血液循環, 去黑眼圈眼袋同去皺.

幫我落妝潔面後, 就開始la.

佢用一層薄紗鋪係我眼上, 然後搽精華素就做機. 做機既過程, 佢用一支筆型既震動棒, 圍住眼睛四周按摩. 震動棒接觸眼部時會有少少針刺既感覺, 更聽到d da da 聲.

做完一隻眼後, 佢俾我睇兩隻眼既分別.

最後完成埋一輪按摩同眼mask後, 完成la! 眼下黑眼圈立即有改善, 但一日後又現形.

佢之後一定勁sell你買d 套票, 記得扮有興趣睇吓然後拒絕, 因為佢哋會黑面同態度差, 只要自己態度好理虧係佢哋.

我建議各位姊妹係屋企DIY就好la, 去美容院真係唔值. 一次最平都過$500, 不如用$500買護膚品化妝品好過la.