分娩後37日, 終於可以用修腹帶, 之前傷口太大, 唔可以做運動同帶修腹帶. 希望快快修到身!
生B時, BB身形太大, 失血過多, 順產令傷口好大, 醫生護士話唔可以開刀, 但生之前又唔俾照超聲波, 唔check BB 個size, 完全唔知BB 個size 咁大.
分娩後, 坐唔到, 企唔到, 咁大個女未試過插尿喉, 同隻手插咗好多條鹽水類型嘅吊喉, 依家針孔仲係好大, 唔知疤痕幾時先會冇.
有一刻, 以為自己會死, 原來生B係真係好痛.
生完B後, 身體開始出蕁麻疹, 全身一噠噠, 痕到瞓唔到. 朋友係咁叫我快D飲炒米茶, 生化湯或者薑茶去惡露. 每次飲完, D疹就開始發, 試咗幾次, 發現媽媽們眼中嘅補品, 原來係我嘅毒藥. 本身熱底, 要改飲粟米鬚茶, 令血管收縮排惡露, 同時令皮膚冇咁痕.
雖然今日仲有少少痕, 不過要開始帶修腹帶收肚腩, 依家個肚好大.
分娩前, 買咗百幾塊韓國平價mask 同護膚品, 諗住生B後日日敷個肚, 又因為蕁麻疹, 一拖再拖. 依家用得啦! 當然妊娠油同cream 會繼續用啦 ~
要記住今日開始用修復帶!
No comments:
Post a Comment