下星期便會回香港探親，順道去曼谷玩七日.
以往, 每年都會去一個長旅行, 但今次有點特別, 我以前都去帶自己常穿着的內衣褲去旅行, 回到家後再清洗.
但我的 “家”變成了加拿大, 來過加拿大的人, 都知道加拿大什麼都沒有.
我知道, 這次去曼谷及香港一定會買很多東西回加拿大. 為了幫行李減磅, 這次買了一些日拋內褲, 每天穿一條, 再掉一條, 可以幫忙省下行李內的位置及重量.
曾在T&T看到這個日拋褲, T&T只有一個尺碼, 價錢亦有點貴, 於是在淘寶買了15條一樣的, 遞上運費也比T&T平.
想不到這內褲的質料非常好, 是全棉的. 但我有點潔癖, 我拆掉所有包裝, 放落洗衣機洗一回才穿着. 這內褲的質料有彈性, 其實是可以來回洗四五次才掉.
推介!
來多倫多快將兩年, 在這個月我跟老公會回香港帶我的父母來多倫多及探望朋友.
來到這裡這麼久, 我真的想不到加拿大有什麼手信值得帶回香港. 加拿大的楓葉糖漿十分出名, 但我不想買這些東西, 太重, 拿不到回香港… 而人們經常推介的楓葉糖, 不要吧, 很老土.
所以我買了Bath & Body Works 的搓手液, 及一些唇彩唇膏. 希望朋友們喜歡吧~
***This post is only for loafers review***
I always wanted to write a review for Coach
and Michael Kors’ loafers. 如果大家冇太多budget但想買loafers襯衫, 又想要性價比高, 可以睇吓下面嘅review.
嚟到多倫多, 我淨係買過Michael Kors同Coach既鞋, 買嘅數量多過20對, 有loafers, 平底鞋, 涼鞋同雪靴.
啱啱喺Michael Kors又訂多咗一對Tiffanie Loafers, 未試過呢一款, 見佢個個鞋底係木, 想試一試.
Coach同 Michael Kors D鞋喺香港通常都係港幣$2,000起跳, 係加拿大平超多, 價錢大約由港幣$700至千幾蚊, 買來襯衫唔錯, 但個quality係點就見仁見智.
Let's talk about Coach Haley loafers, 前後買咗6對, 黑色同白色個對個design同Gucci Jordaan Horsebit
Loafers有九成似, 所以我買咗成條line, 黑色2對, 老花2對, 白色同啡色各1對. 但對鞋嘅quality超差, 一年內, 我已經掉咗3對. 其中1對黑色, 係Madrid旅行着, 點知2日, 鞋底入水, 最後對鞋着咗兩個月, 鞋底爛咗. 第2對黑色又係咁着咗幾個月, 個鞋底就爛咗. 其中1對老花, 今次我終於記得影低對鞋底嘅情況. 3對鞋都係個鞋底爛得超快. 6對入面, 我而家得返3對未開封. 好唔明, 每對Haley開封大約半年, 唔係每一日着, 點解個鞋底可唔咁樣穿窿爛咗呢?! 一年內, 我着爛咗3對, what the?!
MK其他causal loafers, 豹紋同漆皮款, 都襟着, 但對鞋好重, 有少少焗身, 如果要行3個鐘以上, 唔推介.
另外, 之前朋友嚟多倫多探我, 一齊係MK買咗對膠底loafers做friendship鞋, 對鞋係好舒服, 因為軟膠. 但對鞋個quality好差. 着咗幾個月, 個鞋底行行吓甩咗.
繼續研究MK鞋, 發覺近呢一兩個月, MK好多classic monogram 既loafers 開始由木底轉做膠底. 木底款好襟着, 着極都唔爛, 但膠底着幾個月就爛.
係咪為咗要增加銷售額, 將D木底轉做膠底, 對鞋快D爛? 其實我唔介意木底D款加價, 對鞋襟着D, 我會覺得值. 唔好用D cheap嘅膠底, please!
小總結, 我前後揼咗不下於6對Coach 同MK loafers, 全部都係1年半內發生. 只有MK木底鞋仲係完好無缺.
對於Coach同MK 嘅quality, 大家應該有目共睹.
我唔會唔推介人哋買Coach同Michael Kors嘅鞋. 如果係加拿大, 我會買, 因為價錢唔貴, 買嚟襯衫都好.
但如果喺香港比二千幾蚊買對鞋, 絕對唔會推介, 價錢同質量不成正比, 幾個月就燒咗二千幾蚊. 係香港二千幾蚊買一對Coach或MK, 不如俾多千幾二千蚊去Ferragamo outlet買, 性價比高, 襟着!
另外, 我想讚吓i.t. D鞋, 識咗我十幾年嘅朋友, 都知道我由細細個開始就喪買鞋, 其中一間不停買嘅係i.t., 睇吓最後一張相對毛毛loafers, 呢對鞋我着咗4年以上, 到依家對鞋除咗係變咗少少型, 個鞋底係完好無缺, 落雨都冇入水. 不過好可惜, 某些事件之後, i.t. 好多鞋嘅牌子都執咗, 回不到當初…
